كنت بحبها ....وكنا دايما نتكلم في التليفون لحد الفجر... صبعا انا كنت عامل الو حكاوي علشان لو مش كده هيتخرب بيتي..... كنت دايما بطمن عليها وهي كمان .... بس كنت حاسس اني بحبها اكتر..... وف يوم .... لقيتها واقفة مع حد غيري....وبتتكلم عادي وكانت بتشرب كانز.....بتشرب كانز معااااه ......المهم انا دمي فااار....روحت جايب كانز ووقفت قصادهم ...اشرب الكانز احسن ما اشرب من دمهم ..... وبعدين بيقولو الكانز مفيد ....مش موضوعنا... وبعدين خلصت الكلة وانا راجع البيت شحنت كارت مش فاكر والله كان بعشرة ولا بعشرين ..... واتصلت بيها ..... قولتلها ازاي تقفي مع واحد غيري..... قالتلي ده صاحبك وانت تعرفه ( اخويا مثلا يعني ولا ايه انا مش عارف ) وبعدين انت عارفني انا بعامل الناس زي اخواتي تمام...... مع اني كنت قايلها اني مش بحب الواحدة الي انا هرتبط بيها تكلم شباب ..... المهم الحوار ما استمرش اكتر من 5 دقايق وثانية....يعني ما كنا كملنا الدقيقة .....المهم في الاخر قولتلها يا حبيبتي ...انا كنت فاكر اني لما احب هلاقي حب ولما احزن هلاقي حضن ولما اغضب هلاقي ايد تحن .... بس احنا ما نفعش لبعضنا ..... قالتلي قشطة ....سلام عشان معايا ويتنج مهم ......قفلت واتفرجت علي ماتش المانيا وانجلترا كان جامد..... ونسيت الموضوع ..... بس ما نسيت الموقف
الخميس فبراير 10, 2011 7:26 am من طرف 
موضوع: قولتلها الوداع قالتلي اشطة المركب الي توادي 